ehemmm... ég vildi bara taka það fram, að gefnu tilefni, að ég er ekki eins bitur og pistillinn hér fyrir neðan hljómar. Eiginlega er ég bara ótrúlega kát og ekkert bitur, til dæmis út af því að nú þarf ég ekki lengur að rífast um hvort ég eigi að flytja í fámennið :D
og ef einhverjum langar að kaupa af mér miða þá vitið þið hvar er hægt að ná í mig ;)
Ég hefði átt að gera út á sjálfa mig í kosningunum í vor, Ronja, ein-stök í sinni röð. Opinberlega komin úr blessaðri kirkjunni, trúi bara á sjálfa mig. Bý ein, með sjálfri mér og held því áfram. Ræð öllu mínu lífi, sjálf. Tek ekki tillit til neins nema sjálfrar mín. Verst að ég hef þá engan nema sjálfa mig til að rífast við þegar ég er óákveðin, t.d. um íbúðarval ef ég kýs að fara í þá áttina (og ef lánadrottnar sýna mér góðvild). Eiginlega ætti ég að búa í hundraðogEINUM. Hundraðogsjö virkar of fjölmennt. Talandi um einstaklinginn sjálfa mig þá tókst mér að eignast tvo staka miða á Nick Cave. Þetta eru víst númeruð sæti í salnum. Ég er með eitt stakt sæti til sölu, ef einhver vill vera stakur með mér, einstaklingnum.
